Məşhur azərbaycanlı sənətşünas və Sankt-Peterburq Yazıçılar İttifaqının üzvü İrada Berq 53 yaşında vəfat edib. Şəhərin Mədəniyyət Komitəsinin mətbuat xidməti tərəfindən verilən məlumata görə, 5 yanvar 1973-cü ildə Sankt-Peterburqda anadan olan Berq, memar Tofiq Həsənovun qızıdır. O, karyerası boyu Sankt-Peterburqda mühüm mədəni layihələrdə iştirak edib. 2003-cü ildən "Tsarskoye Selo" muzey-qoruğunun beynəlxalq şöbəsində çalışaraq "Yantar otağı"nın bərpası layihəsində rol oynamış, 2006-cı ildə isə ilk kitabı olan "Sehrli kaleydoskop"u nəşr etdirmişdir. 2009-cu ildən İsaak kilsəsinin fəaliyyətində aktiv iştirak edən sənətşünas, 2013-cü ildən bu kompleksin xarici əlaqələr və mədəni layihələr şöbəsinə rəhbərlik etmiş, daha sonra isə direktor vəzifəsini icra etmişdir. Ölüm səbəbi və vida mərasimi barədə hələlik rəsmi məlumat verilməyib.