Во Агенцијата за храна и ветеринарство (АХВ) постојат сериозни сомнежи за злоупотреба на видео надзор и нарушување на приватноста на вработените, откако директорот Оливер Миланов наводно воспоставил систем за постојано следење на нивното движење. Според објавените информации, на два ката од зградата се поставени вкупно осум камери: две на вториот кат, три на првиот кат каде што се наоѓа и канцеларијата на директорот, и три на приземјето. Вработените протестираат и тврдат дека директорот може да ги следи во живо од својата канцеларија, што предизвикува загриженост за нивната приватност.