Премиерот Христијан Мицкоски објави дека истрагата за случајот во Царинската управа, во која е приведен поранешниот директор Стефан Богоев, ќе се проширува и опфаќа повеќе лица, вклучувајќи поранешен градоначалник, поранешен директор на јавна институција и неколку вработени. Според неговите информации, во иднина се очекуваат слични акции и во други јавни институции, насочени кон недоследности од минатото што се откриени во ревизорски извештаи и укажуваат на злоупотреба на службената положба. Мицкоски потенцираше дека се почитува презумпцијата на невиност и дека не би навлегувал во дополнителни коментари со цел да не го наруши истражниот процес.