ЈЗУ Универзитетска клиничка за урологија – Скопје, под раководството на директорот д-р Башким Шабани, примија претставници од компанијата Vathin за презентација на најновата ендоскопска технологија. Посетата беше фокусирана на демонстрација на флексибилни уретероскопи од нова генерација, кои овозможуваат третман на сложени камења во бубрезите и уретерот без потреба од хируршки рез. Оваа современа технологија нуди бројни предности за пациентите, вклучувајќи минимално инвазивен пристап, помала болка, побрзо закрепнување и пократок престој во болница. Клиниката изрази официјален интерес за воведување на оваа опрема за да им овозможи на пациентите во Македонија пристап до светски стандарди на лекување. Фокусот на оваа нова можност е насочен кон подобрување на квалитетот на живот преку поефикасни и помалку инвазивни медицински процедури за сите пациентски групи.