Bakı Metropoliteni qeyri-iş günləri münasibətilə iş rejiminə dəyişiklik edəcək. 9 May - Faşizm Üzərində Qələbə Günü və 11 may tarixlərində "28 May-Əhmədli" istiqamətində qatarlararası interval 2 dəqiqə 30 saniyə olacaq, 10 mayda isə bu interval 3 dəqiqə təşkil edəcək. Bənövşəyi xətt, eləcə də "Cəfər Cabbarlı-Xətai" və "Həzi Aslanov-Əhmədli" mənzillərində mövcud hərəkət cədvəli dəyişməz qalacaq. "Bakmil" istiqamətində qatarların hərəkəti isə 9 və 11 mayda şənbə, 10 mayda isə bazar günü qrafiki üzrə tənzimlənəcək. Bu dəyişikliklərlə yanaşı, stansiyalarda nəzarət gücləndiriləcək, əlavə işçi qüvvəsi ayrılacaq və zərurət yarandığı təqdirdə ehtiyat qatarlar xəttə buraxılacaq.