Árneshreppur á Ströndum, næstminnsta sveitarfélag landsins með 60 íbúa, leitar nú að grunnskólakennara fyrir næsta skólaár við Finnbogastaðaskóla í Nátthaganesi. Skólinn verður fámennasti á landinu þar sem aðeins þrjú börn, á aldrinum tíu til tólf ára, verða í kennslu eftir 50% fjölgun frá síðasta vetri. Finnbogastaðaskóli, sem var enduropnaður fyrir tveimur árum eftir lokun árið 2018 og starfar nú sem hluti af Grunnskólanum á Hólmavík, er talinn lífæð samfélagsins og forsenda þess að laða að nýja íbúa. Framtíð sveitarfélaganna Árneshrepps og Kaldrananeshrepps, sem samþykktu sameiningu í mars, er óljós eftir að kosning um hana var ógilt.